Myanmar Blogger Helpdesk

Learning, Sharing and Growing Together at Blogging Community!

What is Professional Blogging and How to? [ 2 ]  

Contributor: Mhaw Sayar

ဘလော့ဂ် ခြင်း အမျိုးအစားများ နှင့် ဘလော့ဂ် တို့၏ အရေးပါမှု အဆင့်အတန်း

Trends of Blog Types

Open Diary, LiveJournal, Blogger.com, နှင့် WordPress.com စတဲ့ Blogging Community ကြီးတွေရဲ့ လျင်မြန်စွာ ပေါက်ကွဲ ကြီးထွားမှု တွေနဲ့ အတူ Internet တစ်ခွင်လုံး မှာလည်း ဘလော့ဂ်တွေ၊ ဘလော့ဂ်တွေ မိုးဦးကျ မှိုတွေလို အပြိုင်းပြိုင်း ပေါက်ရောက် လာခဲ့ကြပါတယ်။ တချို့ကလည်း မိမိ ၀ါသနာ ပါတဲ့ အကြောင်းအရာ တွေကို မျှဝေ လိုတဲ့ ဆန္ဒနဲ့ရေး၊ တချို့ကလည်း မိမိရဲ့ အိမ်၊ ကျောင်း၊ အလုပ်က ကိစ္စရပ်များကို မှတ်တမ်းတင်ရာ၊ စိတ်ခံစားမှုများ လျော့ချရာအဖြစ်ရေး၊ တစ်ချို့ကလည်း ကိုယ်နှင့် ကိုယ့်မိသားစုအကြောင်း၊ သူငယ်ချင်းတွေ အကြောင်း စတာတွေကို မှတ်တမ်း မှတ်ရာ၊ ဒိုင်ယာရီ အနေနဲ့ရေး၊ တချို့ကလည်း ယခင် ကတည်းက ဓာတ်ခံရှိခဲ့တဲ့ စာ၊ ကဗျာ စတဲ့ အနုပညာ တွေကို လွတ်လွတ်လပ်လပ် ကိုယ်တိုင်စာစီ၊ ကိုယ်တိုင် တည်းဖြတ်နိုင်ပြီး ကိုယ်တိုင် ထုတ်ဝေခွင့် ရတဲ့ နေရာတစ်ခုအဖြစ် ရေး စတဲ့ အမျိုးမျိုးသော ရည်ရွယ်ချက်တွေနဲ့ ဘလော့ဂ် တွေကို ပုံစံမျိုးစုံနဲ့ ကမ္ဘာ အရပ်ရပ်ကလူတွေ ရေးသား လာခဲ့ကြတာကို တွေ့ရမှာပါ။

အဲဒီလို အမျိုးမျိုးသော ပုံစံတွေနဲ့ ရေးသားလာခဲ့ကြတဲ့ ဘလော့ဂ်တွေ ကို အကြမ်းဖျင်းအားဖြင့် အောက်ပါအတိုင်း အမျိုးအစား ခွဲခြားနိုင်ပါတယ်။

  1. ကိုယ်ရေးကိုယ်တာဆိုင်ရာ (Personal)
  2. သတင်းဆိုင်ရာ (News)
  3. အတင်းအဖျင်းဆိုင်ရာ (Gossip)
  4. နိုင်ငံရေးဆိုင်ရာ (Polities)
  5. နည်းပညာဆိုင်ရာ (Technology)
  6. အထွေထွေ နှင့် (General)
  7. အခြား (Other)

Modern Life က ၂၀၀၆ နိုဝင်ဘာမှာ ပြုလုပ်ခဲ့တဲ့ စစ်တမ်းတစ်ရပ်ရဲ့ အလိုအရ အောက်ပါအတိုင်း ဘလော့ဂ် အမျိုးအစားများ ခွဲခြား ဖော်ပြပြီး လေ့လာ ဆန်းစစ်မှု လုပ်ထားတာကို တွေ့ရပါတယ်။ အခြေပြု ဆန်းစစ်ရာ နောက်ခံ အကြောင်းအရာများ ကတော့ ရေးသားသော အကြောင်းအရာ၊ သုံးစွဲသော ဘလော့ဂ် ဆော့ဖ်ဝဲလ်၊ အသုံးပြုသော ဘာသာစကား၊ နောက်ခံအရောင် အသုံးပြုမှု အစရှိတာတို့ ဖြစ်ကြပါတယ်။

၁။ အသုံးပြုသော ဆော့ဖ်ဝဲလ် အလိုက်

Trends of Blogging Application

အဲဒီ ၂၀၀၆ ကာလက Moveable Type က ၁၅ ရာနှုန်းနဲ့ ဦးဆောင်ကာ၊ WordPress က ဒုတိယလိုက်လို့၊ Blogger.Com ကတော့ စတုတ္ထနေရာ အဖြစ်နဲ့ တွေ့ရှိရပါတယ်။ ( လက်ရှိမှာတော့ WordPress က ဦးဆောင်သူ၊ Blogger.Com က ဒုတိယ ဖြစ်နေပါပြီ။ :) )

၂။ ရေးသားသော အကြောင်းအရာ အလိုက်

Trends of Blogging Types

ဒီနေရာမှာတော့ နည်းပညာ ဆိုင်ရာ ဆိုတဲ့ ကဏ္ဍကို ရေးသားကြသူအများဆုံး ဖြစ်ပြီး အထွေထွေက ဒုတိယလိုက်လို့ နိုင်ငံရေး ဘလော့ဂ်များက တတိယနေရာ လိုက်ပါတယ်။

၃။ အသုံးပြုသော ဘာသာစကား အလိုက်

Trends of Blogging Languages

အင်္ဂလိပ် လိုရေးသားကြသူ အများဆုံးဖြစ်ပြီး ဘာသာစကား တစ်ခုချင်းစီ အလိုက်ကြည့်ရင် ဂျပန်က ဒုတိယလိုက်ပါတယ်။ လူဦးရေ သန်း ၁၀၀၀ ကျော် တရုတ်က စတုတ္ထနေရာမှာပါ။ (Apprenticeship ပြောခဲ့တဲ့ မှတ်ချက်တစ်ခု နဲ့လည်း သွား တိုက်ဆိုင်နေပါတယ်။)

၎။ နောက်ခံအရောင် အသုံးပြုမှု အလိုက်

Trends of Blogging Background Colors

ဘလော့ဂ် တွေရဲ့ နောက်ခံ အရောင် အသုံးပြုမှုမှာတော့ အဖြူရောင် က ပထမနေရာ နဲ့ ဗိုလ်စွဲပါတယ်။

ဒါကတော့ Modern Life ရဲ့ ၂၀၀၆ က ကောက်ယူခဲ့တဲ့ စစ်တမ်းတစ်ရပ်ရဲ့ အလိုအရ ဖြစ်ပါတယ်။ ဒီစစ်တမ်းတစ်ရပ်ထက် ပိုမို Update ဖြစ်တဲ့ စစ်တမ်းတစ်ရပ်ကိုတော့ Problogger က ၂၀၀၈ ခုနှစ် အတွင်းမှာပဲ ကောက်ယူ ခဲ့ပါသေးတယ်။ အဲဒီ စာရင်း မှာကတော့ မိမိ ရေးသားတဲ့ အကြောင်းအရာကို လိုက်ပြီး ဘလော့ဂ် အမျိုးအစားခွဲခြားခြင်း ဆိုတဲ့ စစ်တမ်း တစ်ခုသာဖြစ်ပြီး ကျန်တဲ့ ဘာသာစကား၊ အသုံးပြုတဲ့ အရောင် စတဲ့အရာတွေ တော့ မပါဝင်ပါဘူး။ အမျိုးအစားတွေ ကတော့ Modern Life ကထက် ပိုမိုစုံလင်စွာ ခွဲခြား ထားတာကို တွေ့မြင်ရမှာပါ။ Problogger ရဲ့ စစ်တမ်းကို ဒီနေရာမှာ သွားကြည့်နိုင်ပါတယ်။

အထက်ပါ စစ်တမ်း (၂) ရပ် အရကြည့်မယ်ဆိုရင် ဘလော့ဂ် ဆိုတဲ့ ဝေါဟာရ အသုံးအနှုံးနှင့် အတူ ကြီးထွား ရှင်သန် လာတဲ့ ကွန်ယက် စာမျက်နှာ တစ်မျိုးဟာ ကိုယ်ရေးကိုယ်တာဆိုင်ရာ၊ နေ့စဉ် မှတ်တမ်းလောက် အဖြစ် အသုံးပြုရုံသာမကပဲ နယ်ပယ် အသီးသီးမှာ ကြီးမား ကျယ်ပြန့်စွာ အသုံးပြုနေကြတယ် ဆိုတာ ထင်ရှားပါတယ်။ အင်တာနက်ကို ကျယ်ပြန့်စွာ အသုံးပြုနိုင်တဲ့ နိုင်ငံကြီးတွေမှာ ကိုယ်ရေးကိုယ်တာဆိုင်ရာ၊ စီးပွားရေး၊ လူမှုရေး၊ ပညာရေးနိုင်ငံရေး နှင့် အားကစား၊ ကြော်ငြာကဏ္ဍ စတဲ့ အသီးသီးသော ကဏ္ဍကြီးတွေမှာ ၀ဘ်ဘလော့ဂ်တွေကို အစွမ်းထက် လက်နက်တစ်ခုအဖြစ် ကျယ်ပြန့်စွာ အသုံးချလာခဲ့ ကြတာ ၂၀၀၀ ခုနှစ် အလွန် သက်တမ်းများက စတင်ခဲ့ကြတာ ဖြစ်ပါတယ်။

ဒီလို ဘလော့ဂ် လောကကြီး ကြီးထွားရှင်သန်လာခြင်း နှင့် အတူ သူရဲ့ ကြီးကျယ် အစွမ်းထက်မှု ကို အင်တာနက်ကမ္ဘာရဲ့ လူသားတို့ အသိအမှတ်ပြုကြပြီးသကာလမှာ Blog လောကအတွက် အသုံးအနှုန်း ဆိုင်ရာများ၊ Blog ရှာဖွေရေး အင်ဂျင်များ စတာတွေ ပါ သီးသန့် အနေနဲ့ ပေါ်ထွက်လာ ခဲ့ကြပါတယ်။ ကိုယ်ပိုင် Blog တွေကနေတဆင့်လည်း Blogging သင်ခန်းစာများကို ပို့ချရင်း ကမ္ဘာအရပ်ရပ်မှာပါ အောင်မြင်ကျော်ကြားတဲ့ Blogger University ကြီးတွေလို့ ပြောလို့ရအောင် ကြီးကျယ်ထင်ရှားတဲ့ Blog ကြီးတွေ ပေါ်လာတာလည်း မနည်းလှပါဘူး။

အမှန်တစ်ကယ်လည်း ဘလော့ဂ်ဆိုတဲ့ ကွန်ယက်စာမျက်နှာ တစ်မျိုးဟာ ပြုလုပ်ဖန်တီးရန် လွယ်ကူသလောက် အသုံးချသူရဲ့ ကျွမ်းကျင်မှု၊ အချိန်ကာလ၊ နေရာ၊ ဒေသနှင့် လိုအပ်ချက် ကို သိရှိ ဖြည့်ဆည်းပေးနိုင်မှု စတဲ့ အချက်တွေပေါ်ကို မှီခိုပြီး ကြောက်စရာ ကောင်းလောက်အောင် ကို အစွမ်းထက် လက်နက် တစ်ခုအဖြစ် အသုံးချနိုင်တာကို တွေ့ရပါတယ်။

သာဓကအနေနဲ့ ကြည့်မယ်ဆိုရင် ဘလော့ဂ်တွေကို ကွန်ယက်သဖွယ် ထပ်မံချိတ်ဆက်ပြီး ပညာရေးဆိုင်ရာ ဘလော့ဂ်ကွန်ယက် စာမျက်နှာ များ အဖြစ် ထိရောက်စွာ အသုံးချ နေခြင်းကို Wikipedia စာမျက်နှာ က တစ်ဆင့် လေ့လာနိုင် ပါတယ်။ အဲဒီလိုပဲ နိုင်ငံရေး ဆိုင်ရာများ မှာလည်း ဘလော့ဂ် တွေရဲ့ စွမ်းပကားကို ဘယ်လို အသုံးချ နေကြတယ်ဆိုတာ ဒီစာမျက်နှာမှာ လေ့လာဖတ်ရှုနိုင်ပါတယ်။

စီးပွားရေး ဆိုင်ရာမှာတော့ ဒီဆောင်းပါးခေါင်းစဉ် ရဲ့ မူရင်း ရည်ရွယ်ချက် အရ သာမန် အပျော်တမ်း ဘလော့ဂ် ရေးသားခြင်းမှ သည် ရေးသားသမျှ အကြောင်းအရာတိုင်းကို တစ်စုံတစ်ခုကို စူးစိုက်ရေးသားပြီး ဖတ်သူတိုင်းအတွက် အကျိုးတစ်စုံတစ်ရာ ရရှိစေတဲ့ ဆောင်းပါးများကို ရေးသားပြီးသကာလ ထို ဘလော့ဂ်ဂင်းမှ တစ်ဆင့် ထိရောက်တဲ့ အပိုဝင်ငွေ၊ ပြင်ပ ၀င်ငွေ ရရှိအောင် ဘယ်လို လုပ်နိုင်တယ် ဆိုတဲ့ အကြောင်းအရာတွေကို ဦးစားပေး ပြောဆိုသွား လိုပါတယ်။

အမှန်ပါပဲ။ အပျော်တမ်း ဘလော့ဂ်ဂါတွေကနေ တဆင့် လစဉ် ဒေါ်လာ ထောင်ချီ၊ သောင်းချီရနေတဲ့ ဘလော့ဂါတွေ ဖြစ်လာအောင် လုပ်ကိုင် နေကြသူတွေ တစ်ကယ်ရှိပါတယ်။ သူတို့ အနေနဲ့ ကတော့ အခုအချိန်မှာ ဘလော့ဂ် ရေးသားခြင်းဟာ သူတို့ အတွက် အသက်မွေးဝမ်းကျောင်း ဖြစ်သွားပြီ ဖြစ်ပါတယ်။ ဒါပေမယ့် အိမ်တစ်ဖက်၊ ကျောင်းတစ်ဖက်၊ အလုပ်တစ်ဖက်လုပ် ရင်းကနေလဲ ဘလော့ဂ် ရေးသားခြင်းကနေ အပိုဝင်ငွေ ရှာဖွေနေကြသူတွေလည်း ရှိပါသေးတယ်။

ဒီနေ့ ခေတ် မျက်မှောက် ကမ္ဘာရဲ့ ဘလော့ဂ်တို့၏ အရေးပါမှုကို အထိရောက်ဆုံး အသုံးချပြီး ဘလော့ဂ် ရေးသားခြင်းကနေ သူတို့ အပို ၀င်ငွေတွေ ဘယ်လို ရှာနေကြသလဲ..???

ဆက်လက်ဖော်ပြပါမည်…

Ref;

  1. Wikipedia
  2. Problogger
  3. Modern Life
  4. John Chow

AddThis Social Bookmark Button

2 comments

  • win zaw  
    June 13, 2008 at 6:57 AM

    အစ်ကိုခင်ဗျား...
    ဘလောဂ့်ကို နှစ်သက်စွာ လေ့လာသင်ယူ လိုက်စား လျက်ရှိပါတယ်။ အခုပို့စ်မှာ မပါသေး တာ altablogs.com ကနေပေးတဲ့ ဘလောဂ့် အကြောင်းဖြစ်ပါတယ်။ ကနေ့မှ ကျွန်တော်လဲ အဲဒီဆိုက်ကို ရောက်သွားရင်း ကျွန်တော့်ညီမ နာမည်နဲ့ www.suye.altablogs.com ဆိုပြီး ဘလောဂ့်တစ်ခုဖွင့်ခဲ့ပါတယ်။ ပို့စ် လေး၊ ငါးခုလောက် တင်ခဲ့ပါတယ်။ ကြည့်ကြည့်ပါ။ wordpress ကဲ့သို့ ဆင်သော်လည်း၊ wordpress လောက်ခက်ခဲခြင်းမရှိပါ။ အခု ကျွန်တော်ပြောတဲ့ altablogs အကြောင်း ဆောင်းပါးကို ပြည့်ပြည့်စုံစုံ သိချင်ပါတယ်။ အလားတူ ဘလောဂ့်ညီအစ်ကိုတွေလည်း ဗဟုသုတရတာစေချင်ပေါ့။ သိချင်တာက အခု Blogger ကနေ altablogs ကို ကူးလို့ရ/မရ ပါ။ နောက်အသုံးပြုပုံတွေကို သိချင်ပါတယ်။ အဲဒီပို့စ်တင်ဖြစ်ရင် အီးမေးလ် wzaw@cooltoad.com နဲ့လည်း အသိပေး စေချင်ပါတယ်။
    လေးစားလျက်
    ဝင်းဇော်
    winzaw-mdy.blogspot.com

  • Mhaw Sayar  
    June 14, 2008 at 2:27 AM

    ကိုဝင်းဇော်ရေ...အပေါ်က ကိုဝင်းဇော်မေးတဲ့ ဘလော့ဂ်ဂင်း ဆားဗစ် နဲ့ပတ်သက်လို့. ကျွန်တော် စမ်းသပ်လေ့လာမိသလောက် ပြောရရင်. အဲဒီ ဘလော့ဂ် ဂင်း အမျိုးအစားက WordPress ကို အခြေခံတဲ့ http://mu.wordpress.org/ ( Multiuser WordPress Platform) ကို အသုံးပြုပြီး လုပ်ထားခြင်း ဖြစ်ပါတယ်။ အမှန်တော့ WordPress.com လိုပါပဲခင်ဗျာ။

    အဲဒီလို Free Blogging Services တွေ အကြောင်းကို မြန်မာ ဘလော်ဂါတွေအတွက် အသုံးတည့်လို တည့်ငြားဆိုပြီး ကျွန်တော် ရော၊ ကိုသင်ကာ အပါအ၀င် ရှာဖွေ စမ်းသပ်ကြည့်ခဲ့ကြဖူးပါတယ်။

    အဓိက ပြဿနာကတော့ အဲဒီ Free Blogging Services တွေမှာ ကျွန်တော်တို့ မြန်မာ Blogger တွေအတွက် အဓိက ပြဿနာ ဖြစ်တဲ့ Zawgyi-One (သို့မဟုတ်) မိမိမ သုံးစွဲမယ့် မြန်မာဖောင့်ထ်တစ်မျိုးမျိုး ကို Assign လုပ်ခွင့်မရခြင်း၊ တနည်းအားဖြင့် Template နှင့် CSS အပိုင်းကို ပြုပြင်ခွင့် ပေးမထားခြင်း ပဲဖြစ်ပါတယ်။ ပြီးတော့ Template တွေကို ဆိုရင်လည်း သူတို့ ပေးထားတဲ့ ထဲကပဲ ယူငင်သုံးစွဲလို့ရပါတယ်။ မိမိဘာသာမိမိ ထပ်မံထည့်သွင်း သုံးစွဲခွင့်မရှိပါ။

    နောက် ကိုဝင်းဇော်သိချင်တဲ့ Blogger ကနေ လဲ Export ၊ Import လုပ်လို့မရပါ။ အဲဒီ Export & Import Service ကို လောလောဆယ်တော့ WordPress.com မှာပဲ ရနိုင်သေးတာ တွေ့မိပါတယ်။

    ၄င်း ကိုဝင်းဇော်ပြောသကဲ့သို့သော Free Blogging Service များအကြောင်းကို အောက်ပါ ဆောင်းပါးများမှာ အသေးစိတ်ပြန်လည် ဖတ်ရှုနိုင်ပါကြောင်း .. ကိုဝင်းဇော်ကို ပြန်ကြား လိုက်ရပါတယ်ခင်ဗျာ။


    http://mmbloggershelpdesk.blogspot.com/search/label/Wordpress

Post a Comment

Post a Comment