အားလုံးပဲ မင်္ဂလာပါခင်ဗျာ…

ကျွန်တော်တို့တွေ မတွေ့ဖြစ်ကြတာလည်း အတော်ကြာသွားကြပြီနော်. ကျွန်တော်လည်း ဘယ်လောက်ပဲ အလုပ်တွေများနေနေ ဘလော့ဂ်လောကကြီးနဲ့ မကင်းကွာနိုင်သေးပါဘူး. တစ်လတစ်ပုဒ်လောက်တော့ တင်ကောင်းနိုင်ရဲ့လို့လေ… ဟတ်ဟတ်.

ဒီတစ်ခါတော့ အားလုံးအတွက် ရိုးရှင်းလွယ်ကူပြီး အသုံးဝင်အဆင်ပြေစေမယ့် ပို့စ်လေးတစ်ခု မျှဝေချင်ပါတယ်. ဘာလဲဆိုတော့ ကိုယ့်ဘလော့ဂ်က ပို့စ်လေးတွေကို စာဖတ်သူတစ်စုံတစ်ယောက် ဖတ်မိပြီး ကြိုက်တယ်ဆိုရင် Like လုပ်လိုက်တာနဲ့ သူ့ရဲ့ Facebook account မှာ ကိုယ့်ပို့စ်လေးက ခေါင်းစဉ်လေးနဲ့တကွ သွားပေါ်နေမယ့် နည်းပညာပိုင်းလေးတစ်ခုပါ. ဒါ့အပြင် ကိုယ့်ပို့စ်ကို ဘယ်နှစ်ယောက်ကများ Like လုပ်သွားသလဲ ဆိုတာလေးကိုပါ ဖော်ပြနေမှာပါ.

ဒါတင်ပဲလား? ဘယ်ကလိမ့်မလဲ.. (အညာလေသံနဲ့ ပြောကြည့်လိုက်တာ)း)

ဒီပို့စ်လေးကိုပဲ တစ်စုံတစ်ယောက်ဆီကို Email ပို့ချင်တယ်ဆိုရင်လည်း ပို့ရတာ လွယ်ကူအဆင်ပြေအောင် Send ဆိုတဲ့ Button လေးကိုပါ တွဲထည့်ပေးသွားမှာပါ.

ဟုတ်ကဲ့.. ဘယ်လိုလုပ်ရမလဲဆိုတော့ ဒီလိုလုပ်ပါ…

Read More...

Contributor: ရန်အောင်

အားလုံးပဲ မင်္ဂလာပါခင်ဗျာ.

ကွန်ပြူတာကို ဖက်ပြီးအိပ်တတ်ကြတဲ့ ကွန်ပြူတာသမားစစ်စစ်တွေ အမြဲညည်းညူတောင့်တတတ်တာ တစ်ခုရှိပါတယ်.

Memory မြှင့်လို့ရရင်ကောင်းမယ်. မြှင့်လိုက်ချင်တယ်.

အဲလိုစိတ်ကူးစိတ်သန်းတွေ တခဲခဲနဲ့ ရှိနေပေမယ့်လည်း လူတိုင်း memory မြှင့်တဲ့ဖက်ကို မရောက်နိုင်ကြပါဘူး. အကြောင်းကြောင်းကြောင့်ပေါ့ဗျာ. RAM Card တွေ ဈေးကြီးတာကလည်းတစ်ကြောင်း၊ စက်ကိုဖွင့်ပြီး လုပ်ရမှာလည်း မရဲတာကလည်း နှစ်ကြောင်း၊ အဲ. လက်တွေ့အကျဆုံးပြောရရင်တော့ (ကျွန်တော်အပါအ၀င်ပေါ့) လုပ်ရမှာ ပျင်းနေတာ.. ဟတ်ဟတ်.

ကဲဗျာ. ဘာမှမပူနဲ့... မြန်.လွယ်.ကောင်း နည်းလမ်းလေးတစ်ခုပေးမယ်. ညီအစ်ကိုတို့ရဲ့ RAM မြင့်လွန်းလို့ စိတ်တောင်ညစ်သွားမယ်.

တကယ်တကယ်...း)

ဘယ်လိုလုပ်ရမလဲ ဟုတ်လား...

ဂလိုလုပ်ပါဗျာ..

Read More...

Contributor: ရန်အောင်

အားလုံးပဲ မင်္ဂလာပါခင်ဗျာ.

ဒီတစ်ခါတော့ ကွန်ပြူတာနဲ့ အမြဲတစေ ထိတွေ့ကိုင်တွယ် အသုံးပြုနေရတဲ့ ညီအစ်ကိုမောင်နှမတွေအတွက် ကျန်းမာရေးအရ အသုံးတည့်မယ့် ဆော့ဖ်ဝဲလ်လေးတစ်ခု လက်ဆင့်ကမ်းမျှဝေချင်ပါတယ်.

ကွန်ပြူတာကို အမြဲလိုလိုအသုံးပြုနေရသူတွေမှာ ဖြစ်တတ်တာတွေက အညောင်းမိတာ၊ ခါးနာတာ၊ မျက်ရည်ပူတွေ ကျလာတာ စတဲ့လက္ခဏာတွေဖြစ်တတ်ပါတယ်. ခါးနာတာတို့ အညောင်းမိတာတို့အတွက် နောက်ဆုံးပေါ် memory foam လုိ့ခေါ်တဲ့ ခေါင်းအုံးလေးတွေ၊ ကျောမှီလေးတွေနဲ့ အဆင်ပြေအောင် ပြုပြင်လို့ရပါတယ်.

Read More...

Contributor: ရန်အောင်
အားလုံးပဲ မင်္ဂလာပါခင်ဗျာ.

ကျွန်တော်တို့တွေ မတွေ့ဖြစ်တာလည်း အတော်ကြာသွားပြီနော်. နေကောင်းကြတယ်ဟုတ်.

ဒီတစ်ခါတော့ ကျွန်တော့်ကို မေးလ်ပို့ပြီး မေးလာတဲ့ ဘလော့ဂါညီလေးတစ်ယောက်ရဲ့ မေးခွန်းကို ဖြေရင်း အားလုံးကို ပြန်မျှဝေချင်တဲ့ နည်းပညာလေးတစ်ခုအကြောင်း ရေးချင်ပါတယ်.

ဘလော့ဂ်တန်းပလိတ်ကို ချဲ့နည်းပါ.

ဒီနည်းကို ဒီနေရာမှာ ရေးထားတာ တွေ့ဖူးပါတယ်. အခု ကျွန်တော်ကတော့ ညီအစ်ကိုတို့နဲ့အတူတူ လက်တွေ့လုပ်ဆောင်ရင်း ရှင်းပြသွားမှာ ဖြစ်ပါတယ်. တန်းပလိတ်တွေက တစ်ခုနဲ့တစ်ခု မတူပေမယ့် အိုင်ဒီယာက အတူတူပါပဲ.

ရှေ့ဆက်မသွားခင် အားလုံးသိချင်နေမယ့် မေးခွန်းတစ်ခုကို အရင်ဆုံးဖြေပါမယ်.

ဘာကြောင့် တန်းပလိတ်ကို ချဲ့ချင်ရတာလဲ..

အဖြေကရှင်းပါတယ်. နဂိုပေးထားတဲ့အရာက ကျဉ်းနေလို့ပါ. ကိုယ်က ဒီ့ထက် ကျယ်ကျယ်ပိုလိုချင်လို့ပါ. ဒီ့ထက်ရှင်းတဲ့အဖြေရှိမယ်လည်း မထင်တော့ဘူး. ဟတ်ဟတ်.

ကျွန်တော် နည်းနှစ်နည်းခွဲပြီး ဆွေးနွေးချင်ပါတယ်.

(၁) ရိုးရိုးတန်းပလိတ်များကို ချဲ့နည်းနဲ့
(၂) Rounder Template များကို ချဲ့နည်း ဆိုပြီးတော့ ဖြစ်ပါတယ်.

အခု ရေးမှာကတော့ နံပါတ်တစ်ဖြစ်တဲ့ ရိုးရိုးတန်းပလိတ်များကို ချဲ့နည်းပဲ ဖြစ်ပါတယ်.

ကဲ. ကျွန်တော်တို့ စလိုက်ကြရအောင်လား…

ကျွန်တော်တို့ကို Blogger က ပေးထားတဲ့ တန်းပလိတ်ရိုးရိုးလေးတွေထဲက Minima Ochre ဆိုတဲ့ တန်းပလိတ်လေးကို ရွေးလိုက်ပါမယ်.

Layout Tab လေးထဲက Edit HTML ကိုသွားပြီး အဲဒီ့တန်းပလိတ်လေးရဲ့ CSS Coding ပိုင်းလေးကို အရင်ဆုံး လေ့လာကြည့်ပါမယ်.

ကျွန်တော်တို့ ရှေ့ဆက်မသွားခင်မှာ တန်းပလိတ်ချဲ့တဲ့ အိုင်ဒီယာလေးကို အလွတ်သဘော စဉ်းစားကြည့်ကြပါမယ်.

အပေါ်ကပုံလေးကိုကြည့်ပါ.

ကျွန်တော်တို့ စဉ်းစားရမယ့်အပိုင်း (၃) ပိုင်းရှိပါတယ်. ဘာတွေလဲဆိုတော့

Outer-wrapper ဆိုတာရယ် Main-wrapper ဆိုတာရယ်နဲ့ Sidebar-wrapper ဆိုတာရယ်ပါပဲ. တန်းပလိတ်တွေ ဘယ်လိုပြောင်းပြောင်း အဲဒီ့သုံးခုက တန်းပလိတ်ချဲ့မယ်ဆို သိထားရမယ့် Key Players တွေပါ. 2-column-template ဆိုရင် sidebar တစ်ခုပဲ ပါမယ်. 3-column-template ဆိုရင်တော့ left and right sidebars တွေပါမယ်ပေါ့ဗျာ.

တစ်ခြားသိထားသင့်တဲ့ အသုံးအနှုန်းလေးတွေကတော့ header-wrapper, content-wrapper စသည်တို့ပဲ ဖြစ်ပါတယ်. ဖြည်းဖြည်းချင်းပဲ မိတ်ဆက်ပေးသွားမယ်ဗျာ.နော်.

အခု ကျွန်တော်တို့ရဲ့ Minima Ochre တန်းပလိတ်လေးမှာ Outer-wrapper ဆိုပြီး ရှာကြည့်လိုက်ရင် ဒါမျိုးလေးတွေ့ရပါတယ်.

/* Outer-Wrapper
----------------------------------------------- */
#outer-wrapper {
width: 660px;
margin:0 auto;
padding:10px;
text-align:$startSide;
font: $bodyfont;
}

#main-wrapper {
width: 410px;
float: $startSide;
word-wrap: break-word; /* fix for long text breaking sidebar float in IE */
overflow: hidden; /* fix for long non-text content breaking IE sidebar float */
}

#sidebar-wrapper {
width: 220px;
float: $endSide;
word-wrap: break-word; /* fix for long text breaking sidebar float in IE */
overflow: hidden; /* fix for long non-text content breaking IE sidebar float */
}

အဲဒါကို ဘယ်လိုနားလည်အောင် လုပ်ရမလဲဆိုပြီး ခေါင်းစားမနေပါနဲ့. ကျွန်တော်တို့ သိရမယ့်အရာ သုံးခုပဲ ရှိပါတယ်. အဲဒီ့သုံးခု ဘယ်လိုဆက်စပ်နေလဲဆိုတာကို နားလည်ထားရင် တန်းပလိတ်ချဲ့နည်းကို ၅၀ % လောက် သိပြီးသားဖြစ်သွားပါလိမ့်မယ်. ဘယ်လိုလဲဆိုတော့ ဂလိုပါ.း)

အီကွေးရှင်းလေးပေးမယ်နော်. အလွတ်ကျက်ထား.


Main-Wrapper + Sidebar-Wrapper+Space Between = Outer-Wrapper

ခေါင်းတွေခါကုန်ပြီလား.း)… ပြန်ရှင်းပြပါမယ်.

အခု ကျွန်တော်တို့ရဲ့ တန်းပလိတ်မှာ ဘာလေးတွေတွေ့လဲဆိုတော့ Width:660 px စတာလေးတွေတွေ့ပါလိမ့်မယ်. ဟုတ်တယ်ဟုတ်.

အဲဒါလေးတွေကို အစားပြန်သွင်းကြည့်မယ်နော်.

410 +220 + Space between Main and Sidebar wrapper = 660
Space between Main and Sidebar wrapper = 660-(410+220) = 30

ဒါကြောင့် Space between Main and Sidebar Wrapper ဟာ 30 px ဖြစ်ပါတယ်.

Outer-wrapper ဆိုတာက တန်းပလိတ်ရဲ့ ဘယ်ဖက်အစကနေ ဟိုး ညာဖက် အဆုံးထိတွက်ချက်ထားတာပါ. သူ့အောက်မှာ ဘာတွေပါလဲဆိုတော့ ပို့စ်ရေးတဲ့နေရာဖြစ်တဲ့ main-wrapper (or) content-wrapper ဆိုတာပါတယ်. ပြီးတော့ အဲဒီ့ Post Area နဲ့ Sidebar ကြားမှာ လပ်နေတဲ့ Space လေးပါတယ်. အခုတန်းပလိတ်မှာ အဲဒီ့ Space လေးက 30 px ရှိတာပေါ့. ပြီးတော့ကာ sidebar-wrapper ပါတယ်. အဲဒီ့သုံးခုပေါင်းလိုက်ရင် outer-wrapper နဲ့ ညီရပါမယ်. မဟုတ်ရင် ကျွန်တော်တို့ရဲ့ တန်းပလိတ်ကြီးဟာ အချိုးအစားမညီမျှတာ ဖြစ်လာနိုင်ပါတယ်.

ကဲ. ဒါဆိုရင် အိုင်ဒီယာရပြီပေါ့နော်. ကျွန်တော်တို့က ပို့စ်ရေးတဲ့နေရာဖြစ်တဲ့ main-wrapper (သို့) content-wrapper နေရာကို ချဲ့ရမှာပါ. သူ့ကိုချဲ့သလောက် Outer-wrapper ကိုလည်း လိုက်ကြီးပေးဖို့ လိုပါတယ်.

ထားပါတော့ဗျာ. အခုကိစ္စမှာ Outer-wrapper က 660 px ဖြစ်ပြီးတော့ main-wrapper က 410 px ပဲရှိတယ်. ကျွန်တော်က အဲဒီ့ main-wrapper ကို နောက်ထပ် 200 px ထပ်ပေါင်းချင်တယ်. ဆိုလိုတာက 410+200 = 610 px ဖြစ်ချင်တာပေါ့.

ဒီတော့ ကျွန်တော်တို့အတွက် ထပ်ပေါင်းထည့်မယ့် နံပါတ်က 200 px ဖြစ်နေတယ်. အဲဒီ့ကောင်ကို Outer-wrapper မှာ ပြန်ပေါင်းထည့်ပေးဖို့ လိုပြီပေါ့. ဟုတ်တယ်ဟုတ်.

ဒါကြောင့် ကျွန်တော်တို့ရဲ့ တွက်ချက်မှုက ဒီလိုဖြစ်လာပါတယ်.

Main-wrapper = 410+200 = 610
Outer-wrapper = 660 + 200 = 860
Sidebar-wrapper = no change
Space Between = no change

အပေါ်က ကုဒ်ဒင်းလေးတွေနေရာမှာ တစ်ခါတည်း အစားသွင်းလိုက်မယ်နော်.

/* Outer-Wrapper
----------------------------------------------- */
#outer-wrapper {
width: 860px;
margin:0 auto;
padding:10px;
text-align:$startSide;
font: $bodyfont;
}

#main-wrapper {
width: 610px;
float: $startSide;
word-wrap: break-word; /* fix for long text breaking sidebar float in IE */
overflow: hidden; /* fix for long non-text content breaking IE sidebar float */
}

#sidebar-wrapper {
width: 220px;
float: $endSide;
word-wrap: break-word; /* fix for long text breaking sidebar float in IE */
overflow: hidden; /* fix for long non-text content breaking IE sidebar float */
}

အဲဒီ့အတိုင်းပြင်ပြီး တန်းပလိတ်ကို Save လိုက်ပါတယ်. ကဲ. ကျွန်တော်တို့ရဲ့ Result ကို ပြန်ကြည့်ရအောင်.

တန်းပလိတ်လေး ကျယ်သွားပြီဟုတ်…

ဝမ်းသာအားရဖြစ်သွားတဲ့ မျက်နှာလေးက တစ်စုံတစ်ခုကို တအံ့တဩစိုက်ကြည့်ရင်း မေးချင်နေပြီထင်တယ်.

ကျွန်တော်သိတယ်. ဒီလိုပဲ ကျွန်တော်လည်း အတွေ့အကြုံက ရင်းပြီး သင်ယူလာခဲ့ရတာမို့ အကုန်လုံးကို မပြောပြဘဲ ဘာကြောင့် ဒီလိုဖြစ်ရတယ်ဆိုတာကို ခင်ဗျားကိုယ်တိုင်သိစေချင်လို့ပါ. ဒါမှ နောက်နောင် ဘယ်လိုအခက်အခဲပဲရှိရှိ ကိုယ့်ဖာသာကိုယ် ဆန်းစစ်အဖြေရှာတတ်လာမယ် မဟုတ်ဘူးလား.

စေတနာကို နားလည်ပါဗျာ. နော်.

နားမလည်လည်းနေတော့… ဘာဖြစ်တယ်ဆိုတာ ဆက်ပြောပြမယ်. ဟတ်ဟတ်.

တန်းပလိတ်ရဲ့ Post Area ကတော့ ကျယ်သွားပါရဲ့. ဒါပေမယ့် Header က လိုက်မကျယ်ဘဲ ကျန်နေခဲ့တယ်.

ဒီတော့ ကျွန်တော်တို့ ကိုယ့်ကိုယ်ကို ဘယ်လိုမေးသင့်လဲ.

Header ကို ထိန်းထားတဲ့ coding တစ်ခုခုတော့ ရှိရမယ်.

Alright! Let’s go, baby!

တန်းပလိတ်ထဲကို ပြန်သွား… Header-wrapper ဆိုပြီး ရိုက်ကြည့်လိုက်တော့

လားလား ( မြင်းမဟုတ်ပါ)

/* Header
-----------------------------------------------
*/

#header-wrapper {
width:660px;
margin:0 auto 10px;
border:1px solid $bordercolor;
}

အဲဒီ့မှာ တွေ့ပါပြီဗျာ…

သူ့ရဲ့ width က 660 px တဲ့. ကဲ. ကျွန်တော်တို့ ဘယ်လိုဘာသာပြန်မလဲ

တန်းပလိတ်ကို မချဲ့ခင်က main-wrapper (or) content-wrapper ရဲ့ width က ဘယ်လောက်ရှိခဲ့လဲ. ပြန်ကြည့်လိုက်ရအောင်.

610 px တဲ့..

အင်း… ဒါဆိုရင်တော့ header-wrapper နဲ့ main-wrapper မဆက်စပ်ဘူး. နောက်ထပ်လိုက်ရှာကြည့်လိုက်ရအောင်. ဘာတွေ့လဲ

တွေ့ပါပြီဗျာ.

Outer-wrapper ကလည်း 660 px ပဲ.

There you go!... We made it…

ဒါကြောင့် Outer-wrapper နဲ့ Header-wrapper ဟာ အတူတူပဲ. ဘလော့ဂ်တန်းပလိတ်ကို ချဲ့ရင် Outer-wrapper ကိုတင်မကဘူး. Header-wrapper ကိုပါ လိုက်ရှာပြီး ပြင်ပေးဖို့လိုတယ်လို့ ကျွန်တော်တို့ ကောက်ချက်ချလိုက်ပါတယ်.

Header နေရာဟာ တကယ်တော့ Banner နေရာနဲ့ အတူတူပါပဲ. ဒါကြောင့် ကိုယ့်မှာ ဘန်နာလေးတွေ တင်ပြီးသားဖြစ်နေခဲ့ရင်လည်း အဲဒီ့ဘန်နာကိုပါ လိုက်ပြီး ပြန်ချဲ့ပေးဖို့လိုတယ်လို့ မှတ်ရပါမယ်.

ကဲ. Header-wrapper ကို Outer-wrapper ရဲ့ width အတိုင်းပြင်ပြီနော်.


/* Header
-----------------------------------------------
*/

#header-wrapper {
width:860px;
margin:0 auto 10px;
border:1px solid $bordercolor;
}

တန်းပလိတ်ကို Save လိုက်မယ်. ပြီးတော့ ကျွန်တော်တို့ ရင်ခုန်စွာ ပြန်ကြည့်လိုက်ကြရအောင်လား.

Ahhhhhh… Man….

Look at that…..

C’mon, man! Who’s your daddy?

လို့ ကော့ထားတဲ့ ရင်ဘတ်ကြီးကို ကိုယ့်ညာဖက်လက်နဲ့ ဘန်းခနဲ ရိုက်ထည့်လိုက်စမ်းပါ. ပြီးတော့ကာရင်ကော့ခေါင်းမော့ပြီး မြန်မာပြည်က Rapper ပေါက်စတွေ စတိုင်လ်မျိုးဖမ်းလို့ မြောက်ကြွမြောက်ကြွနဲ့ ကိုယ့်အခန်းထဲ ပတ်ပတ်လည် လမ်းတစ်ပတ်လောက် လျှောက်လိုက်စမ်းပါ.

အဲဒါပဲ. ကိုယ့်လူ…

သိပ်လည်း မြောက်မသွားနဲ့ဦး..

Rounder Template တွေကို ချဲ့နည်း ကျန်သေးတယ်. ဟတ်ဟတ်ဟတ်.

Note:

Sidebar-wrapper ကို ချဲ့ချင်လည်း ရပါတယ်. Sidbar နဲ့ Main ကြားက Space ကို အတိုးအလျှော့ လုပ်ချင်လည်း ရပါတယ်. ဘာတွေ ဘယ်လိုပဲလုပ်လုပ် Outer-wrapper ရဲ့ width ကို မကျော်ရင် ပြီးတာပါပဲ. ကျော်ရင် ဘယ်လိုဖြစ်မလဲ ကျွန်တော့်ကို မမေးနဲ့. ကိုယ်တိုင်သာစမ်းကြည့်…

ကျွန်တော်ကတော့ မျိုးကြီးရဲ့ သီချင်းလေးနားထောင်ရင်း ငြိမ့်နေလိုက်မယ်.

“အိုးးးးးးးးး ကို့ယိုးကားယားးးး

အိုးးးးကို့ယိုးကားယားးး”

ကဲ. အားလုံးပဲ ရယ်မောပျော်ရွှင်နိုင်ကြပါစေသတည်း….

အားလုံးကိုချစ်ခင်လေးစားလျက်

ရန်အောင်

Read More...

Contributor: ရန်အောင်

မြန်မာပြက္ခဒိန် အလုပ်မလုပ်ဘူးလို့ ကျွန်တော့်ဆီဘောက်စ်မှာ လာအော်သွားလို့ ကျွန်တော်လည်း အွန်လိုင်းမှာ တောနင်းရှာဖွေရာက ကိုစိုးမင်း ပြန်ပြင်ရေးပေးထားတဲ့ Javascript လေးကို တွေ့ပါတယ်. ပြန်ပြီး Sharing လုပ်လိုက်ပါတယ်. ဒိတ်တွေ တိုက်ကြည့်တော့ မှန်ပါတယ်. ဒီကုဒ်ဒင်းလေးတွေကို ယူလိုက်ပါ.

ဘလော့ဂ်မှာ ဘယ်လိုထည့်ရမလဲဆိုရင်တော့ Layout ကိုသွားပါ. Add a gadget ကိုသွားပါ. HTML/Javascript ကိုယူပါ. ပြီးရင်တော့ ဒီအောက်က ကုဒ်ဒင်းလေးတွေကို ကော်ပီပေ့စ်လုပ်လိုက်ပါ. ဒါပါပဲ.

<script src="http://soemin.googlecode.com/svn/scripts/myanmar_calendar.js" type="text/javascript"></script>

မိမိတို့မှာ ရှိနေတဲ့ ပြက္ခဒိန် ကုဒ်ဒင်းလေးတွေကို ဒါလေးနဲ့ ပြန်အစားသွင်းလိုက်ရင် အဆင်ပြေသွားမှာပါ. ပိုပြီးတော့ အဆင်ပြေချင်ရင်တော့ ဒီ JS ဖိုင်လေးကို ဒေါင်းလုပ်ချလိုက်ပါ. ပြီးတော့ ကိုယ့်ဖာသာ အဆင်ပြေမယ့် Hosting site တစ်ခုခုမှာ ကိုယ့်ဖာသာပဲ Hosting လုပ်ပြီး လင့်ခ်လေးကို ထုတ်ယူလိုက်ပါ. ဒါဆိုရင် အများကြီးက ၀ိုင်းဆွဲလို့ Bandwidth Limit ကျော်သွားတာမျိုး မဖြစ်နိုင်တော့ပါဘူး.

ဒီမှာ ဒေါင်းလုပ်ချပါ.

File Hosting ဘယ်လိုလုပ်ရလဲဆိုတာ မသိသူများကတော့ ဒီတိုင်းပဲ သုံးချင်လည်းသုံးပါ. ဒါမှမဟုတ် ကိုယ်တိုင်ကိုယ်ကျ လုပ်ကြည့်ချင်ပါတယ်. လေ့လာချင်ပါတယ်ဆိုရင်တော့ ဒီနေရာမှာ အပြည့်အစုံ ဆွေးနွေးရှင်းပြထားပါတယ်...

ဒီကုဒ်ဒင်းလေးကို Develop လုပ်ပေးတဲ့ မာ့ခ် (ခ) ကိုစိုးမင်းကိုလည်း အထူးပဲ ကျေးဇူးတင်ရှိပါတယ်.

အားလုံးပဲ ပျော်ရွှင်ချမ်းမြေ့စွာ ဘလော့ဂင်းနိုင်ကြပါစေ...

ရန်အောင်

Read More...

Contributor: ရန်အောင်

အားလုံးပဲ မင်္ဂလာပါခင်ဗျာ.

ဒီတစ်ခါတော့ အရမ်းလွယ်ကူပေမယ့် အသုံးတည့်နိုင်တဲ့ ဘလော့ဂ်နည်းပညာလေး တစ်ခုအကြောင်း ဆွေးနွေးချင်ပါတယ်.

ကျွန်တော်တို့တွေမှာ ကိုယ်စီကိုယ်ငှ အလုပ်အကိုင်၊ မိသားစု၊ စီးပွားရေး၊ ပညာရေး၊ ကျန်းမာရေး စသည်ဖြင့် မအားလပ်နိုင်အောင် ရှိနေတတ်ကြပါတယ်. ဒါ့ကြောင့်မို့ တစ်ခါတစ်ရံ (သို့) အချိန်တော်တော်များများမှာ ကိုယ်တင်ချင်တဲ့ ပို့စ်လေးကို ကိုယ်တင်ချင်တဲ့အချိန်လေးမှာ မတင်ဖြစ်လိုက်တာတွေ ရှိကောင်းရှိမှာပါ. တစ်ခါတစ်လေကျပြန်တော့လည်း ကိုယ့်အချစ်ဆုံး မိတ်ဆွေသူငယ်ချင်း (သို့) တစ်ယောက်ယောက်အတွက် မွေးနေ့ဆုတောင်းလေးတွေ၊ အမှတ်တရစာစုလေးတွေ ကိုယ့်ဘလော့ဂ်မှာ တင်ချင်တယ်. ဒါပေမယ့် အဲဒီ့ရက်မှာ ကိုယ်က ကွန်ပြူတာနား ရှိနေနိုင်မှာ မဟုတ်ဘူး. ဒါမျိုးတွေလည်း ဖြစ်တတ်ပါတယ်.

အဲဒီ့လို အခက်အခဲမျိုးလေးတွေကို အသစ်မွမ်းမံထွက်ရှိလာတဲ့ Blogger Draft က အောင်မြင်စွာ ဖြေရှင်းပေးလိုက်ပါပြီ။

ဘာလဲဆိုတော့ ပို့စ်လေးတွေကို ကိုယ်ရေးချင်တဲ့အချိန်မှာ ရေးထားပြီး ကိုယ်တင်စေချင်တဲ့ ရက်မှာ သူ့အလိုလို Publish လုပ်သွားနိုင်အောင် ကြိုတင်ပြီး Schedule ဆွဲလို့ရတဲ့ Function လေးတစ်ခု ပေးထားတာပဲ ဖြစ်ပါတယ်။

ဒါမျိုးလေးပေါ့ဗျာ.

အဲဒီ့အကြောင်းလေး ဆက်မသွားခင် ကျွန်တော်တို့ နောက်ပြန် ပြန်စဉ်းစားလိုက်ရအောင်။

ဆိုပါတော့. ဒီနေ့ ဒီဇင်ဘာ (၄) ရက်၊ Happy New Year ပို့စ်လေးကို ဇန်န၀ါရီလ (၁) ရက် မနက် ၁၂ နာရီတိတိမှာ တင်ချင်တယ်. အဲဒီ့အချိန်မှာ ကိုယ်က သူငယ်ချင်းတွေနဲ့ ပါတီလုပ်နေမှာ ဖြစ်လို့ ကွန်ပြူတာနား ရှိမှာမဟုတ်ဘူး. ကဲ. ကျွန်တော်တို့ ဘာလုပ်ဖို့ လိုမလဲ.

(၁) သေချာတာကတော့ ကျွန်တော်တို့ ပို့စ်အရင်ရေးရမှာပေါ့ဗျာ. မဟုတ်ဘူးလား. ဟုတ်ပြီ.. ရေးချလိုက်.

(၂) ရက်စွဲကို ပြောင်းရတော့မယ်. Schedule ဆွဲရတော့မယ်. ဘယ်မှာလုပ်ရတော့မလဲ. စဉ်းစားလိုက်ရအောင်.
ကိုယ်တင်မှာက ပို့စ်ဆိုတော့ ပို့စ်နဲ့ပတ်သက်တဲ့ Mode တစ်ခုခုမှာ အဲဒီ့ Schedule ဆွဲတဲ့ function လေး ရှိရမယ်.

ဟုတ်ပြီ. ဘယ်မှာလဲ.

(၃) တွေ့ပါပြီ။ Post Options ဆိုတာလေးကို Publish ဆိုတဲ့ ခလုတ်လေးရဲ့ အပေါ်မှာ တွေ့ရပါလိမ့်မယ်. အဲဒါလေးကို နှိပ်လိုက်ရင် ဒီလိုမြင်ရမယ်ဗျ.

အဲဒီ့ထဲမှာမှ ညာဖက်ထောင့်မှာ ရှိနေတဲ့ Post date and time နေရာလေးကိုသွား. အနောက်နိုင်ငံတွေမှာက ရက်စွဲကို လ၊ရက်၊နှစ် လို့သတ်မှတ်တယ်. အဲဒါလေးတော့ သတိထားပေါ့ဗျာ. နော်. ကဲ. ကျွန်တော်တင်မှာက ၂၀၀၉ ခုနှစ်၊ ဇန်န၀ါရီလ (၁) ရက်နေ့ မနက် ၁၂း၀၀ နာရီ ဆိုတော့ ဒီလိုလေး ရေးလိုက်တယ်ဗျ.

1/1/2009 12:00 AM

ပြီးရင် Publish လုပ်လိုက်ရုံပါပဲ. ဒါဆိုရင် Schedule လုပ်တဲ့အပိုင်း ပြီးပါပြီ။ အဲလိုမျိုးလေး Publish လုပ်လိုက်ရင် ကိုယ့်ပို့စ်လေးဘေးမှာ Scheduled ဆိုတဲ့ Label လေး ထိုးထားပြီး သိမ်းပေးထားတာကို အောက်ပါပုံလေးထဲကအတိုင်း တွေ့ရပါလိမ့်မယ်ခင်ဗျာ.

ဒီ Hacks လေးကို ဥာဏ်ရှိသလို အသုံးချနိုင်ပါတယ်.

မှတ်ချက်။

တစ်ချို့ကကျတော့ ပို့စ်လေးကို Schedule လုပ်ထားချင်တယ်. ဒါပေမယ့် အခု ချက်ချင်းလည်းပဲ ဘလော့ဂ်မှာ တင်ချင်တယ်. ဖတ်နေချင်တယ်ဆိုတာမျိုးလေးတွေလည်း ရှိတတ်သေးတယ်ဗျ. အဲလိုဆိုရင်တော့ နည်းနည်းလေး အလုပ်ရှုပ်သွားလိမ့်မယ်. သိပ်တော့မခက်ပါဘူး. ဒါလေးတွေ လုပ်ပေးလိုက်ပါ.

(၁) ပို့စ်လေးကို ပုံမှန်ရေးပါ. ပုံမှန် ရက်စွဲအတိုင်းပဲ ထားလိုက်ပါ. ပြီးရင် Publish လုပ်လိုက်ပါ.

(၂) ပုံမှန်လုပ်ငန်းစဉ်အတိုင်း လုပ်သွားတာ ဖြစ်လို့ ဘလော့ဂ်မှာ ပုံမှန်အတိုင်းလေးပဲ ပေါ်လာပါလိမ့်မယ်.

(၃) Edit post ပြန်လုပ်ပါ. ဒီတစ်ခါကျမှ Date and Time ကို Future Date and Time သို့ ပြောင်းလဲပေးလိုက်ပါ.

(၄) Publish ပြန်လုပ်ပါ.

ရလာဒ်က ဘာဖြစ်လာမလဲဆိုတော့ လက်ရှိတင်ထားတဲ့ ပို့စ်လေးက ရှိမြဲအတိုင်း ရှိနေမှာ ဖြစ်ပြီးတော့ Schedule ဆွဲထားတဲ့ အချိန်လည်း ကျရော အဲဒီ့ရက်စွဲအတိုင်း ဟိုး ထိပ်ဆုံးမှာ Latest Post အဖြစ် ပြန်ပေါ်လာမှာ ဖြစ်ပါတယ်. ဒီတော့ အခုလည်း ဖတ်လို့ရတယ်. နောက် သူ့အချိန်အခါကျပြန်တော့လည်း ကိုယ် schedule ဆွဲထားတဲ့အတိုင်း ပေါ်လာမှာ ဖြစ်တယ်. ကဲ. မနိပ်ပေဘူးလားဗျ.

သတိ။

ဒီ Function လေးကို Blogger Draft မှာပဲ ရပါတယ်. Blogger Draft ဆိုတာ ကျွန်တော်တို့ လက်ရှိသုံးနေတဲ့ New Blogger ကို မွမ်းမံရေးသားထားတာပါပဲ. သိပ်ပြီးတော့ အထွေအထူးမဟုတ်လှပေမယ့် Widgets တွေ၊ Gadgets တွေ ပိုထည့်ပေးထားတာ တွေ့ရပါလိမ့်မယ်. သုံးသင့်တယ်လို့ ကျွန်တော်ယူဆပါတယ်. စမ်းသပ်ကြည့်ကြပါခင်ဗျာ.

Blogger Draft ကို ၀င်ချင်ရင် http://draft.blogger.com ကနေ log in ၀င်ပါ. ပုံမှန်အရဆိုရင် ကျွန်တော်တို့က http://blogger.com ကနေ ၀င်နေကြတာလေ. အဲဒါပါပဲ.

ဝန်ခံချက်

ဒီနေရာကပို့စ်လေးကို အဆင်ပြေအောင် ဘာသာပြန်ဆိုရေးသားပါတယ်.


အားလုံးကို ချစ်ခင်လေးစားလျက်

ရန်အောင်

Blogger Buzz: Blogger now schedules future-dated posts

Read More...

Contributor: ရန်အောင်

Pagemaker မှာ ဇော်ဂျီဖောင့် သုံးလို့ ရမရ တစ်ယောက်ကမေးလာတာကြောင့် ကျွန်တော် pagemaker ကို ဒေါင်းလုပ်ချပြီး စမ်းကြည့်ပါတယ်. အဆင်မပြေပါဘူး. နောက်ဆုံး အကြံကုန်လာတာနဲ့ Alpha Mandalay က ဦးရဲမြတ်သူဆီကို အီးမေးလ်ပို့ပြီး မေးမြန်း အကူအညီတောင်းကြည့်ပါတယ်. ကျွန်တော့်အထင် ၁၅ မိနစ်လောက် အတွင်းမှာပဲ ဦးရဲမြတ်သူဆီက စာပြန်လာပါတယ်.

ကျွန်တော်တစ်ယောက်တည်းအတွက်သာမက အများအတွက်ပါ အကျိုးများစေနိုင်မယ့် သိမှတ်ဖွယ်ရာ ဗဟုသုတလေးတွေ ပါနေတာကြောင့် ဦးရဲမြတ်သူဆီက ခွင့်တောင်းပြီး အားလုံးအတွက် ပြန်လည်ဝေမျှလိုက်ပါတယ်ခင်ဗျာ.

တတ်သိနားလည်သူများအနေနဲ့ ကော်မန့်မှာ ပါဝင်အကြံပြုဆွေးနွေးပေးဖို့လည်း နွေးထွေးစွာ ဖိတ်ခေါ်ပါတယ်.

မင်္ဂလာပါ ကိုရန်အောင်

Pagemaker ဟာ ကျွန်တော်တို့မှီသမျှပြောရရင် windows 3.1 တုန်းက ပိုင်ရှင်တစ်ဦးပါ။ ဒီအရင်ကတော့ apple မှာပဲ ရှိပါတယ်။aduld လားမသိပါ။ နောက် adobe ကနေဝယ်လိုက်ပါတယ်။ adobe ဟာ pdf တွေ photoshop တွေ ထုတ်တဲ့ software ဆရာကြီးပါ။ နောက်ပြီးသူ့လက်ထဲမှာ Pagemaker ဆိုတဲ့နာမည်နဲ့ version အသစ်မထုတ်ဘဲ InDesign ဆိုပြီးထုတ်ပါတယ်။ InDesign ဟာ Pagemaker file ကို ဖတ်ပါတယ်။ unicode လဲ support လုပ်ပါတယ်။

ခင်ဗျားမှတ်မိသေးလားတော့မသိဘူး အရင်က foxpro ကို တော်တော်သုံးခဲ့ကြရာက Microsoft က ဝယ်တယ် ပြီးတော့ access ကို ဆွဲတင်ပြီး fox ကိုထားခဲ့ပါတယ်။ ဒီလိုဘဲ wordperfect ကို corel draw ကဝယ်တယ် xera ကို ဝယ်တယ်။ market ဝေစုပြိုင်ကြပေါင်းကြ လုကြတာပါ။

ဆိုလိုချင်တာက VB6 မှာတုန်းက MS လည်း unicode support မလုပ်ပါဘူး dotnet ခေတ်ကျမှလုပ်ပါတယ်။ Pagemaker လည်း သူ့ခေတ်မှာ unicode မရှိပါဘူး unicode ခေတ်ကောင်းလာတာ မကြာသေးဘူးလို့ပြောလို့ ရပါတယ်။ Microsoft တောင် အရင် office တွေ မှာ windows မှာ multilanguage အတွက် unicode မသုံးပါဘူး၊ အခြား encode standard တွေရှိပါတယ်။ ဒီတော့ Pagemaker ဟာ unicode ကို အဲဒီနာမည်သုံးစဉ် support မလုပ်ဘူးဆိုနိုင်ပါတယ် adobe လက်ထဲရောက်တော့ Pagemaker အမည်ကနေ InDesign လို့လဲပြောင်းရော မြန်မာတွေက လိုက်မသုံးကြတော့ပါဘူး အစွဲအလန်းကြီးတယ်လေ။

တကယ်လို့သာ Pagemaker 10 တို့ ဘာတို့ဆိုပြီးထုတ်ရင်တော့ သုံးကြမယ်လို့ထင်ပါတယ်။ InDesign ဟာ world Publishing လောကရဲ့ပြောင်းလဲလာတဲ့ trend အတွက်ထုတ်တာဖြစ်လို့ မြန်မာနဲ့ ကိုက်ချင်မှကိုက်ပါမယ်။ သူ့မှာ font converter ကအစ script management တွေအဆုံး အရမ်းကောင်းတာတွေပါပေမဲ့ software အလကားရနေတာတောင် စမ်းသုံးခံရတာ နည်းနေပါသေးတယ်။

ဇော်ဂျီနဲ့ပတ်သက်လို့ကတော့ ဇော်ဂျီဟာ ကျွန်တော်ပိုင်မဟုတ်ဘဲ သုံးစွဲသူများအားလုံးပိုင်တဲ့ web 2.0 ပစ္စည်းတခုပါ။ အားလုံးကောင်းဖို့ ဝိုင်းလုပ်ကြတာကို ချီးကျူးပါတယ်။
ကျွန်တော်အာမခံနိုင်တာတစ်ခုက 5.1 ပေါ်လာတာ လမ်းအသစ်တခုပါ။ ဇော်ဂျီမပျောက်နိုင်ပါဘူးဆိုတာပါပဲ။

ဇော်ဂျီမပေါ်ခင်ကတည်းက myanmar font storage standard ဆိုတာရှိပါတယ် 4.1 ပါ 3 years ကြာခံပါတယ်။ သုံးတဲ့သူသာသိပ်မတွေ့ရတာပါ။ သူလည်း ရရစ် တစ်ခုတည်းသိမ်းပြီးပြောင်းပေးပါတယ်။

အခု 5.1 ပေါ်လာတာလည်းကောင်းပါတယ်။ MS office 2007 မှာ 5.1 fully support လုပ်ပါတယ်။ သိုသော် zawgyi ကို လက်ခံပါတယ်။ ဇော်ဂျီရိုက်မရအောင် MS google စတာတွေက မလုပ်ဘူးလို့ ကျွန်တော်ယုံတယ်။ မြန်မာ အချို့ကတော့ ဒီလိုဖြစ်အောင် လုပ်ကောင်းလုပ်နိုင်ပါတယ်။

ဇော်ဂျီကို အာမခံတာဟာ 5000-10000 ကြားမှာရှိတဲ့ web content တွေကြောင့်ပါဘဲ။ လက်ရှိအချိန်မှာ migration stage ကိုမကျော်ဘဲ encode စနစ်အသစ် မဖြစ်နိုင်လို့ပါ။ ဇော်ဂျီနဲ့ပတ်သက်လို့ နည်းနည်းပါးပါးပြောင်းချင်တာတောင် user group ကြီးကြောင့် keyboard input မှာဘဲ လွတ်လွတ်လပ်လပ်ပြောင်းရပါတယ်။

ရေးချင်တာက DTP မှာ Ascii ကို zawgyi ရော unicode ကရော နေရာဝင်မယူနိုင်သေးဘူး၊ ဇော်ဂျီယူတာနေရာအသစ်။ ဒီလိုပဲ 5.1 ပေါ်လာရင် သူနေရာရမရတော့ မသေချာသေးဘူးရခဲ့ရင်လဲ အသစ်ဖြစ်ပါလိမ့်မယ်။ တစ်ခုတော့ရှိတယ် ကျွန်တော်တို့ဆီမှာ standard လုပ်သူမရှိတော့ Ascii က စံမဟုတ်တဲ့ မြန်မာစာ ဖြစ်နေတယ်။

တကယ်တော့ နိုင်ငံတကာမှာ Ascii standard ရှိ တယ်။ zawgyi လဲ nonrendering unicode ဒီဖက်တိုစတန်းဒတ်ဘဲ၊ render မရှိလို့ standard မဖြစ်ရဘူးဆိုရင် ၊ mobile phone, MP3, mp4 player, DVD , sattlite resiver, poctet PC,.....industial using myanmar font,....စတာတွေလည်း ဘယ်တော့မှ စတန်းဒတ်နဲ့မဖြစ်လာနိုင်ဘူး။
ပြောရင်းရှည်သွားပြီ။ ဆိုလိုချင်တာ က solution ကို ရောင်းကြတဲ့ ခေတ်မှာ အစွဲကင်းသင့်တယ်။

Pagemaker ကအဆင်ပြေရင် Ascii OK ရင် မပြောင်းစေချင်ဘူး DTP မှာ ပြောင်းဖို့ လိုရင် word သို့မဟုတ် InDesign လို ဘက်ကိုလေ့လာစေလိုတယ်။ searchable ဖြစ်မယ် unicode အစွမ်းနဲ့။ zawgyi လဲ type phase design 4 ခုထပ်ထွက်ဖို့ ရှိတယ် dtp မှာ OK သို့ သော် web မှာ ဖောင့်မရှိရင် လေးထောင့်အတုံးလေးတွေ မပေါ်အောင် family font ကိစ္စစမ်းနေကြတယ်။

စာရှည်သွားပြီ

ရဲမြတ်သူ

Read More...